Studiespesialisering med teknologifag

Vg1 studiespesialisering med teknologifag

På vg1 studiespesialisering med teknologifag så følger du undervisning som vanleg på vg1 studiespesialisering. I tillegg får du faget teknologi og forskningslære X som inneheld mykje spanande arbeid.

Du vil få tilgang til eige teknologiverkstad der du når som helst i skuletida kan øve deg i praktiske prosjekt.  

Du vil i tillegg få introduksjon i 3D-printing på skulen sine 3D-printarar. Målet er at kunnskapane du får i desse timane skal gje deg eit godt grunnlag for å lage større prosjekt i vg2 og vg3.

Elevane øver seg også på å vere kreative, nytenkjande, problemløysande og til å arbeide saman. Dette er kunnskap næringslivet spør etter, også kalla "entreprenøriell kompetanse". 

Vg2 studiespesialisering med teknologifag

På vg2 studiespesialisering med teknologifag vil du følgje vanleg timeløp som studiespesialisering med realfag.

I tillegg har du på denne linja ekstra timar med lærar i verkstad der du får støtte og hjelp til å praktisk byggje større prosjekt. 

Programfaget teknologi og forskningslære 1 er obligatorisk dette året, og prosjekta vil knytte seg opp mot dette programfaget. 

På våren deltar elevar på teknologilina på ei større energimesse saman med næringslivet i vest, der dei knyt kontaktar med, og får nytt inspirerande påfyll frå, næringslivet. Her vil du vise fram og presentere prosjektet du har arbeida med for framtidige arbeidsgivarar.

Vi ynskjer å gjere studiene så praksisnære som mogleg, og inviterer derfor samarbeidsbedriftene til oss med reelle teknologiske problemstillingar som kan vere prosjekt for elevane våre. Samarbeidsprosjekt med Universitetet i Bergen er eit av eksempel på dette.

Vg3 studiespesialisering med teknologifag

Det tredjeåret vil du også følgje vanleg timeløp som studiespesialisering med realfag. I tillegg har du også dette året ekstra timar med lærar i verkstad. Der får du støtte og hjelp til å vidareutvikle prosjekta du byrja på i vg2 eller nye prosjekt.

Programfaget teknologi og forskingslære 2 er obligatorisk dette året, og prosjekta vil knyte seg opp mot dette programfaget. Her vil du ta i bruk prosjekta dine og lære å måle og forske på effektar av dine eigne praktiske prosjekt. 

På våren deltar elevar på teknologilina på ei større energimesse saman med næringslivet i vest, der dei knyt kontaktar med, og får nytt inspirerande påfyll frå, næringslivet. Her vil du vise fram og presentere prosjektet du har arbeida med for framtidige arbeidsgivarar.

På vg3 reiser vi på studietur til forskingssenteret CERN i Genève i Sveits.